Und am beschta schmecka die Schpätzla mit gröschtete Semmelbrösel oder mit Soß halt

Ganz hoiß sen se no, mr sieht wie’s dampft. Also do könnt I mi neisetza. 

D’Marion hot mei Lieblingsgericht kocht: Schpätzla mit Brösel druff. I woiß jetzt scho, dass I nochher Bauchweh han, weil I beschtimmt mee ess, wie I vertrag. Aber des isch mir wurscht. No leg I mi no und bin halt a Weile nimmer aschprechbar. 

I glaub ja, dass zumindescht elle schwäbische Kender am liebscda Schpätzla essa. Und do liega mir voll im Trend – vegan isches net aber vegetarisch. Weil auf’d Eier ko mr net verzichta, wenn die Schpätzla so richtig gut schmecka solla. Unser Oma hot ja gsagt, auf’s Wasser kennt mr verzichta, mr soll lieber oi oder zwoi Eier mee nehma.

I geb ihr Recht und d’Marion au. Und no gibts no an herrlicha grüna Salat dazu. Des schmeckt lecker und no isch au was Grüns dabei – wega dr Gsondheit.