Die Zeita von de Kaugummiautomata sen vorbei oder?

Kennet ihr Kender, die no a Geld in da Kaugummiautomat nei werfa? Wieviel Geld, also welche Münza muss do denn heutzutags nei? Und wer befüllt die Automata? Dätet ihr da dra rumdreha, wenn der Apparat so arg verhunzt und vergammelt aussieht?

Also I han mi – ganz ohne d’Marion – und ehrlich gsagt au ohne Kloigeld – auf da Weg gmacht, um a mol a Recherche zu starta, ob’s überhaupt no Kaugummiautomata gibt und wenn ja, ob die no in Betrieb sin.

Mei lieber Scholli: der, den ihr oba seht, und wo I a Passantin gebeta hab, mi drauf zu fotografiera, isch no dr Schönschte gwesa. Es gibt ja fascht gar koine mee und selbige sin so ebbes von dreckig und verlottert. Pfui Teufel, do mecht I koin Kaugummi draus essa.

Dabei ko I mi erinnra, wie schee des früher war. Wenn ihr Luscht auf a richtig scheene Gschicht mit ma Kaugummiautomata habt: In mein Büchle hoiß die Gschicht „Kaugummiautomat außer Rand und Band“.

Luscht auf mee Gschichtla mit dr Marie: I wurd groß – mit Schpätzla und Soß